Limaj thotë se votimi për themelimin e Gjykatës do t’i kushtojë shumë Kosovës

Kryetari i Nisma për Kosovën, Fatmir Limaj, ka kritikuar koalicionin qeverisës për “presionin te deputetët për të votuar pro Gjykatës Speciale”.Limaj thotë se kjo ishte lojë që ka rrënuar kredibilitetin e Kuvendit të Kosovës.

“Koalicioni qeverisës ka bërë përpjekje të vazhdueshme për të përmbysur vendimin e parë. Sot ka ndodhur atak dhe është rrënuar kredibiliteti i Kuvendit të Kosovës. Do t’i kushtojë Kosovës. Kjo që ndodhi sot është si rezultat i një presioni dhe shantazhi të vazhduar dhe një lojë e krerëve të koalicionit”, ka deklaruar Limaj për KTV’në.

Ai ka thënë se partitë opozitare do të bashkëpunojnë për hapat e mëtejmë ndaj këtij votimi.

“Do të koordinohemi me partitë opozitare për hapat e mëtejmë. Kjo është materie për Gjykatën Kushtetuese. Në këtë vend ka arritur që edhe Parlamenti të dhunohet, këtu sonte vdiq demokracia”, u shpreh ai.