Limaj thotë se sot u zbulua fytyra e Thaçit e Mustafës

Fatmir Limaj ka shpërndarë një video në të cilën shihet ndërhyrja e policisë në zyrat e VV’së. Thotë se me këtë u tregua fytyra e vërtetë e regjimit të Isës e Hashimit.

“Shikojeni regjimin e Isës e të Hashimit se si futet në selinë e një partie parlamentare. Ky regjim me masa represive dhunon zyre, shtyp zërin opozitar, ky regjim burgos deputetë. Kjo është demokracia e Isës e Hashimit. Mirë që maska u shqye më në fund, kjo është fytyra e vërtetë e tyre. Ata dy dhe regjimin e tyre sot e tmerroj manifestimi madhështor i popullit, sot u pa kush janë dhunuesit e shtetit. F.L”, shkruan Limaj në Facebook.