Limaj: Rama të marrë iniciativë për anëtarësimin e Kosovës në NATO

Kryetari i Nismës Socialdemokrate, Fatmir Limaj, ka kërkuar nga kryeministri i Shqipërisë, Edi Rama të ndërmarr iniciativë për anëtarësimin e Kosovës dhe Bosnjës në NATO.

Limaj, përmes një postimi në faqen zyrtare të Nismës në Facebook, ka thënë se “është koha që në emër të sigurisë rajonale, kryeministri i Shqipërisë, Edi Rama të marrë iniciativë për anëtarësimin e Kosovës dhe Bosnjës në NATO dhe të ftoj si bashkëiniciator edhe vendet tjera të rajonit anëtare të NATO-s, të cilat kanë interes e shqetësim direkt për sigurinë e paqen në rajon, duke përfshirë Kroacinë, Malin e Zi, Maqedoninë e Veriut dhe Slloveninë”.

“Kjo iniciativë e përbashkët t’i dorëzohet Asamblesë së NATO-s dhe ta fusin në rend të ditës në emër të sigurisë dhe paqes së kërcënuar në rajon”, ka thënë Limaj, transmeton Telegrafi.

Ai ka thënë se NATO duhet të miratojë në procedurë të veçantë pranimin e këtyre vendeve si anëtare të NATO-s. /Telegrafi/

Shpërndaje.
© RAJONIPRESS