Limaj: Qeveria Kurti nuk ka vendosur reciprocitet

Kryetari i Nismës Socialdemokrate, Fatmir Limaj, ka thënë se nuk duhet të kërkohet nga opozita të mbajë në këmbë qeverinë e rrëzuar.

Ai ka thënë se Lëvizja Vetëvendosje dhe Lidhja Demokratike e Kosovës kanë negociuar katër muaj për 50 ditë qeverisje.

Limaj ka thënë se asnjë telashe nuk do të ketë nga rrëzimi i qeverisë në menaxhimin e pandemisë së Covid-19.

Lideri i Nismës ka thënë në Rtv Dukagjini se deri tash qeveria nuk e ka vendosur reciprocitetin ndaj Serbisë.

Ai ka thënë se VV’ja nuk duhet të bëjë deklarata për një përdorim.

“Kjo qeveri nuk ka vendosur reciprocitet. Është vazhduar vendimi i nxjerrë nga MTI që asnjë produkt në Kosovë të mos futet me emërtime jo kushtetuese. Këta nuk kanë bërë asgjë”, ka shtuar Limaj.

Sa i përket veriut, ka thënë se nuk e fajëson Albin Kurtin për gjendjen e krijuar, por më shumë e fajëson për heshtjen e tij dhe mos transparencën.

Duke folur për ekipin e paralajmëruar nga Kurti për dialog, Limaj ka thënë se të njëjtin e kanë propozuar në qeverinë e kaluar, ku secila parti do ta kishte anëtarin e saj.

Limaj ka thënë se është për krijimin e një ekipi të unitetit që do të negocionte me Serbinë marrëveshjen përfundimtare për njohje reciproke.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).