Limaj: Qeveria është bërë si shoqata “Nënë Tereza”

Limaj ka thënë se gjendja në Kosovë është shumë e keqe dhe për çdo ditë në kronikat televizive, Kosovën qeveritarët e paraqesin sikur të ishte Gjermania.

Nisma për Kosovën e ka themeluar Nismën Rinore për Kosovën, ku ka mbledhur shumë të rinj rreth vete, e të cilën do ta udhëheq Kreshnik Cukaj.

Në këtë tubim themelues kryetari i kryesisë së Nismës, Fatmir Limaj, i ka ftuar të rinjtë dhe të rejat që të bashkohen rreth ndryshimit që duhet të ndodh në Kosovë.

Limaj ka thënë se gjendja në Kosovë është shumë e keqe dhe për çdo ditë në kronikat televizive, Kosovën qeveritarët e paraqesin sikur të ishte Gjermania.

Limaj ka thënë se rinia nuk ka nevojë t’ia zbres shujtën pasi ajo dëshiron të fitoj me djersën e tij duke punuar. Sipas tij Qeveria dhe Universiteti i Prishtinës janë bërë si shoqata “Nënë Tereza”.

“Babadimri e ka marrë një thes dhe ka dalë po shpërndan dhurata”, ka thënë Limaj duke iu referuar premtimeve të kryeministrit Thaçi.

Ai tha se Qeveria në vend se të bie zhvillim ekonomik po e sjell Tribunalin.

Ndërkaq, kryetari i këshillit drejtues të Nismës, Jakup Krasniqi, tha se Nisma e Rinisë për Kosovën po mban tubimin e themelimit të tij në Ditën e Kushtetutës për një shtet të së drejtës dhe për një shtet të zhvillimit.

Ndërsa kryetari i Nismës së Rinisë për Kosovën, Kreshnik Cukaj, tha se e kanë vetëm një qëllim dhe i quhet ndryshimi.