Limaj pas takimit me Mustafën: Kosovës i duhet një qeveri e cila i kryen punë vendit

Kryetari i Nismës Socialdemokrate, Fatmir Limaj pas takimit që ka pasur me kreun e Lidhjes Demokratike të Kosovës, Isa Mustafa, është shprehur se bashkërisht kanë folur rreth procesit të zgjedhjeve, për shpërndarjen e Kuvendit të Kosovës.

Sipas tij, Kosovës tani i duhet një qeveri e gjerë e cila i kryen punë vendit.

Limaj ka apeluar tek partitë politike që të bëjnë kujdes me temat që do t’i përdorin gjatë fushatës elektorale.

“Biseduam që duhet të jemi të kujdesshëm në krejt fazën parazgjedhore – do të ishte mirë që të trajtohen temat me rëndësi për vendin. Kosovës i duhet një qeverisje e cila kryen punë dhe jo fjalë – duhen marrëveshje të cilat duhet të gjejnë bazë implementimi pastaj në parlament. Shpresoj që partitë politike nuk do t’i kaplojë euforia e një vote më tepër duke dhënë premtime të pabazuara, duke thënë fjalë që nuk mbahen”, tha ai.

Duke mos dhënë përgjigje konkrete nëse është arritur ndonjë marrëveshje për koalicion parazgjedhor me LDK-në, Limaj tha se i mbetet NISMA-s të vendos. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).