Limaj: Nga Shkupi u dëgjua zëri i unitetit shqiptar, askush s’ka të drejtë ta rishkruajë historinë apo ta njollosë luftën për liri

Kreu i NISMA’s, Fatmir Limaj, është deklaruar rreth protestës së sotme në Shkup, duke thënë ai ka qenë mes mes vëllezërve e motrave, për UÇK-në, për lirinë dhe shtetin e Kosovës që janë identiteti jonë.

Ai ka deklaruar edhe se UÇK ka qenë dhe mbetet luftë çlirimtare dhe se askush nuk ka të drejtë ta rishkruajë historinë apo ta njollosë luftën për liri.

Postimi:

Sot në Shkup, mes vëllezërve e motrave, për UÇK-në, për lirinë e shtetin tonë, që janë identiteti jonë!

UÇK-ja ishte dhe mbetet luftë çlirimtare, e ndërtuar mbi sakrificë, dinjitet dhe drejtësi.

Askush nuk ka të drejtë ta rishkruajë historinë tonë apo ta njollosë luftën për liri.

Ne kërkojmë drejtësi të vërtetë, jo gjykime selektive dhe politike.

Sot, nga Shkupi, u dëgjua zëri i unitetit shqiptar.

Një zë që nuk kërcënon askënd, por që nuk pranon padrejtësinë.

Do të qëndrojmë bashkë, me dinjitet, me qetësi dhe me besim se e vërteta gjithmonë fiton.

Lavdi UÇK-së.

Drejtësi për çlirimtarët.

Fatmir Limaj