Limaj: Na presim punë e vendime të vështira dhe sfida të rënda

Kryetari i Nismës Socialdemokrate, Fatmir Limaj ka marrë pjesë në organizimin e pritjes tradicionale të AAK-së për fillimvit.

Ai është shprehur se na presin punë e vendime të vështira si dhe sfida të rënda.

“Na presim punë të vështira, vendime të vështira, sfida të rënda, por më besoni që me pjekuri, me përvojë, me angazhim të të gjithëve bashkë, do t’ia arrijmë edhe ta ruajmë kursin e Kosovës edhe ta ruajmë partneritetin, por edhe t’i realizojmë objektivat tona për të Republikë Demokratike”, tha ai.

Tutje, Limaj tha se Kosova si shtet i ri, ka arritur të bëhet një demokraci funksionale, njofton Klankosova.tv.

“Ne ndihemi krenarë që Kosovën edhe pse si shtet i ri, kemi arritur ta bëjmë një demokraci funksionale, me shumë sfida e probleme, kjo është meritë e qytetarëve të Kosovës, meritë e intelektualëve të Kosovës si dhe elitës politike kosovare, të cilët një demokraci të re e kanë bërë funksionale më shumë se kushdo tjetër në rajon dhe ne duam ta ruajmë dhe ta zhvillojmë e forcojmë këtë demokraci funksionale. E demokracia funksionale është unitet në diversitet”, është shprehur ai.