Limaj: Ky është një vendim historik

Kryetari i Nismës për Kosovën, Fatmir Limaj ka uruar të gjithë qytetarët e vendit pas rekomandimit të Komisionit Evropian për liberalizimin e vizave.

Përmes një komunikate drejtuar mediave, Limaj ka thënë se ky është një vendim historik dhe shumë i pritur për Kosovën dhe qytetarët e saj.

“Ky vendim tregon përkushtimin dhe dërgon mesazh të qartë për të ardhmen evropiane të Kosovës dhe të të gjitha shteteve tjera të Ballkanit”, thuhet në fjalimin e Limaj, transmeton “zeri.info”.

Njoftimi i plotë:

Komisioni Evropian më në fund dha rekomandimin për liberalizimin e vizave për qytetarët e Republikës së Kosovës.

Ky është një vendim historik dhe shumë i mirëpritur për Kosovën dhe qytetarët e saj. Ky vendim tregon përkushtimin dhe dërgon mesazh të qartë për të ardhmen evropiane të Kosovës dhe të të gjitha shteteve tjera të Ballkanit.

Ky vendim duhet të na inkurajojë edhe më shumë për punë dhe përkushtim në mënyrë që të kryejmë me kohë edhe reformat tjera të nevojshme në rrugëtimin tonë drejt Bashkimit Evropian.

Mirënjohje të thellë shteteve që po kontribuojnë pa rreshtur, në rrugën e Kosovës drejt integrimeve evropiane.