Limaj: Kudo që dialogohet, Kosova shkon për marrëveshjen përfundimtare për njohje reciproke

Kryetari i Nismës Socialdemokrate, Fatmir Limaj, ka komentuar ftesën e Shteteve të Bashkuara të Amerikës për liderët e Kosovës dhe Serbisë për t’u takuar në Shtëpinë e Bardhë më 2 shtator.

Limaj thotë se takimi i 2 shtatorit në Shtëpinë e Bardhë është dëshmia më e mirë e përkushtimit të Shteteve të Bashkuara të Amerikës për arritjen e marrëveshjes përfundimtare mes Kosovës dhe Serbisë.

“Kudo që dialogohet, në Washington apo Bruksel, Kosova është gati për t’u ulur në tryezën e bisedimeve për arritjen e marrëveshjes përfundimtare për njohje reciproke mes dy vendeve”, ka shkruar ndër të tjera Limaj.

Kreu i Nismës shkruan se Kosova është e bekuar me miqësinë me ShBA-të.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).