Kryetari i NISMA-s Socialdemokrate, Fatmir Limaj, ka folur par amedias, pas votimit të Qeverisë së Hotit që mori 61 vota.
Limaj tha se kjo qeveri do të mbahet mend që ktheu normalitetit në një moment kritik për Kosovën.
“Jemi në një moment kritik, një Qeveri e re që po merr detyrë në kohë të vështirë me përkushtim, e që do të mbahet mend si një qeveri që ktheu normalitetin.
Kosova më shumë se kurrë ka nevojë për drejtues, që t’i ulë gjakrat. Ne do të jemi me ndihmu çdo frymë pozitive e me jep kontributin tonë për qeverisje parlamentare, që kjo frymë të jetë e urtësisë dhe shtet ndërtuese.
Në plan të brendshëm, do të kemi fokus në tejkalimin e krizës së shkaktuar nga COVID-19, riparimi i marrëdhënieve me aleatët tanë, që Kosova t’i përmbyll temat e hapura me Serbinë e të respektohet sovraniteti, e integriteti i brendshëm.
Nisma dhe AKR-ja kanë votuar të gjithë dhe kjo është e rëndësishme. Nëse kjo qeveri është në shërbim të asaj që thashë, jam i bindur që do ta përfundojë mandatin”./Indeksonline/
