Limaj: Kosova është i vetmi vend në Evropë ku burgoset Opozita
Deputeti i NISMA-s për Kosovën, Fatmir Limaj ka thënë se protesta, siç e ka quajtur ai masive e së shtunës e ka frikësuar pushtetin.“Pushteti u kthye në shtypës duke shtypur zërin opozitar duke përgjakur aktivistë të partive politike, duke burgosur deputetë dhe thyer zyrat e një partie opozitare”, ka vlerësuar Limaj.
Ai ka thënë se ka kohë që Opozita ka kërkuar reflektim nga pushteti.
“Kriza duhet të zgjidhet me mjete politike. Sot në Evropë është i vetmi pushteti i Kosovës që burgos opozitën”, ka thënë ndër tjerash Limaj. /Telegrafi/