Limaj, edhe dy muaj në arrest shtëpiak

/ 1 minutë lexim

Avokati i Fatmir Limajt, Tomë Gashi ka thënë se Fatmir Limajt dhe nëntë ish-bashkëluftëtarëve të tij u është vazhduar sot masa e arrestit shtëpiak edhe për dy muaj. Ai ka thënë se kjo është konfirmuar nga kryetari i trupit gjykues, Malcolm Simmons.

“Kryetari i trupit gjykues në rastin ‘Kleçka’, gjyqtari i EULEX-it Malcolm Simmons ka sjellë vendimin me të cilin i ka vazhduar masën e arrestit shtëpiak, Fatmir Limajt dhe nëntë ish-bashkëluftëtarëve të tij edhe për dy muaj deri më 18 gusht”, ka thënë Gashi për “Epokën e re”.

Fundamenti

Sipas tij ky vendim është sjellë kinse për të pamundësuar ndikimin në dëshmitar.

“Gjë që kjo është palogjikshmëri juridike. Duke pasur parasysh që gjykimi në këtë çështje vazhdon më 3 korrik, ekipi mbrojtës i Fatmir Limajt do të vendos për hapa të mëtejmë juridik”, ka thënë Gashi. /Telegrafi/