Lidhjet e Francesco Florit me sekserin Ejup Kamberi

Abedin Muzliaj mund të ishte dënuar me shumë vjet burgim, po të mos gjykohej nga gjyqtari italian Francesco Florit. Vetëm 18 muaj burgim me kusht ia kishte dhënë atij për dy vepra penale: shpërdorim të pozitës zyrtare dhe mashtrim.

Hetuesi nga Banja e Pejës ishte zënë në flagrancë duke marrë ryshfet nga babai i një të riu të vrarë në rrethana të pasqaruara me pretendimin se i duheshin 10 mijë euro për të paguar “informatorë”.

Por, pasi kishte marrë gjysmën e parave dhe kishte kërkuar gjysmën tjetër, ai ishte denoncuar dhe arrestuar. /koha/