Lidhja Rajonale e Futbollit në Gjilan mban Kuvendin Zgjedhor me 15 janar

Bordi i Lidhjes Rajonale të Futbollit në Gjilan, kishte mbajtur mbledhje me 15 dhjetor të vitit 2020 duke shpallur zgjedhjet për mandatin 2021-2025.

Ky bord kishte marrë vendim sipas rregullores së FFK-së që zgjedhjet të mbahen me 15 janar të vitit 2021, ku delegatët e klubeve e shkollave të futbollit do të kenë mundësi që nëpërmjet votës të tyre ta zgjedhin kryetarin e ri të LRF të Gjilanit.

Në dy mandatet e fundit kryetar i LRF të Gjilanit ishte, Malazog Hoxha, i cili me mjaft sukses e ka udhëhequr këtë detyrë duke e prezantuar futbollin Rajonal në Federatën e futbollit të Kosovës.

Siç mësohet gjerë më tani edhe pse ka pasur hapësirë brenda 30 ditësh të kandidojnë çdo person që e sheh të arsyeshme ti prijë LRF-së të Gjilanit, nuk ka pasur asnjë kandidat përveç Malazog Hoxhës.

Sipas të gjitha gjasave i vetmi kandidat edhe më tutje do të jetë kryetari i gjerë tanishëm Malazog Hoxha, ndërsa të gjitha klubet dhe shkollat e futbollit janë të interesuara që edhe në mandatin e tretë, Lidhjen Rajonale të Futbollit në Gjilan, ti prijë Malazog Hoxha i cili ka bërë një punë të shkëlqyer në futbollin rajonal të Gjilanit./rajonipress/

Shpërndaje.
© RAJONIPRESS