Liderët takohen edhe në Gjakovë – A janë këto shenjat e tejkalimit të bllokadës politike?

Hashim Thaçi, Isa Mustafa e Ramush Haradinaj janë takuar për të dytën herë brenda 24 orëve të fundit. Njëherë në një lokal në Prishtinë me ftesë të Ambasadës Amerikane, ndërsa, sot në Darkën e Lamës e organizuar nga Presidentja Atifete Jahjaga.

Ndryshe, prej përfundimit të zgjedhjeve s’ka pasur takime të liderëve të partive tjera me Kryetarin e PDK’së, Hashim Thaçi.

Në anën tjetër, LDK, AAK, NISMA dhe Vetëvendosje janë bërë bashkë për të formuar institucionet por s’po mund ta marrin pozitën e Kryeparlamentarit pasi kjo pozitë me Kushtetutë po i takon vetëm partisë më të madhe, PDK’së.

Ende nuk dihet nëse ky takim do të shërbejë për tejkalimin e bllokadës politike, e cila po rrezikon të rrëshqasë edhe në krizë financiare për Shtetin e Kosovës./express/