Liderët irritojnë amerikanët

Që nga paslufta asnjëherë më parë Kosova nuk ka qenë në një krizë më të thellë institucionale, përderisa një zgjidhje eventuale nuk po shihet askund në horizont.

Kriza institucionale ka filluar t’i japë efektet negative për vendin në arenën ndërkombëtare, duke i rrezikuar marrëdhëniet me shtetet mike të Kosovës, përkatësisht Shtetet e Bashkuara të Amerikës (SHBA) dhe miqtë tjerë ndërkombëtarë.

Vizita e paralajmëruar e ish-ambasadores, Tina Kaidanow, aktualisht koordinatore Kundër Terrorizmit në Departamentin Amerikan të Shtetit, tashmë është shtyrë pikërisht për shkak të “ngërçit” politik në vend. Për anulimin e kësaj vizite ka reaguar edhe ambasadorja amerikane në Prishtinë, Tracy Jacobson./zeri/