Liburn Aliu thotë se po e ndihmojnë Gjilanin me 400 mijë euro në projekte infrastrukturore
RajoniPress
18:29, 23 Prill, 2024
| 1 javë më parë
Gjilan – E filluam me Komunën e Prishtinës për të vazhduar më tej me komunat tjera… Sot në Gjilan, me kryetarin Alban Hyseni, nënshkruam memorandumin e mirëkuptimit për bashkëfinancimin e Projekteve Infrastrukturore, ku si MMPHI po e financojmë Komunën e Gjilanit me 400,000€ ka shkruar Liburn Aliu.
Qëllimi i këtij Memorandumi është bashkëfinancimi i projekteve infrastrukturore për projektet si më poshtë:
Ndërtimi i projektit të integruar të Bulevardit të qytetit;
- Investimet në qarkoren ekzistuese të qytetit;
- Ndërtimi dhe asfaltimi i rrugës Ranatoc – Kokaj;
- Ndërtimi i Rrugës Nekibe Kelmendi – Gjilan;
- Ndërtimi i rrugës Fidanishte 2 – Gjilan; dhe
- Ndërtimin e rrugëve lidhëse në Livoq dhe Cernicë – Gjilan.
