Liberalizimi është lidhur në “nyje”

“Ora” e Bashkimit Evropian për kosovarët nuk po punon gjatë këtij viti. Kështu është krijuar përshtypja nga ekspertët e Integrimit Evropian dhe deputetët e Kuvendit të Kosovës që përbëjnë Komisionin parlamentar për Integrim.

Edhe pse disa nga ta mendojnë se liberalizimi i vizave për qytetarët e Kosovës është tërësisht në duart e Bashkimit Evropian, ka edhe të tjerë që fajësojnë Prishtinën zyrtare për “getozimin” e vendit, pasi që nuk po arrin përparime të dukshme në sektorët më vital, drejtësia dhe siguria.

Madje sipas ekspertëve të Integrimit, pavarësisht faktit sesa do të arrijë t’i përmbush Kosova kriteret, të cilat edhe ashtu ishin më të shumta sesa për vendet tjera, Bashkimi Evropian mund të jap vlerësime subjektive, duke mos u bazuar në gjendjen faktike në terren./zeri/