Fundamenti

Libër me porosi të rëndësishme për lexuesin

/ 3 minuta lexim

Gjilan – Vepra “KUR AGONTE DRITA”, e botuar para pak ditësh në Gjilan, është një vepër e rëndësishme e Medina Dautit dhe e letërsisë shqipe.

Në shkollën fillore “Thimi Mitko”, në Gjilan, në praninë e nxënësve, të arsimtarëve dhe të shumë prindërve, u bë provimi i veprës poetike “Kur agonte drita”, e krijueses së re Medina Dautit.

Për veprën “Kur agonte drita”, të Medina Dautit, me rastin e promovimit, folën: krijuesi Demir Behluli, profesori Nazim Shurdhani, si dhe disa arsimtarë të shkollës “Thimi Mitko”. Në fjalën e tyre, referuesit theksuan talentin e pamohueshëm krijues të Medinës, si vlerën letrare të veprës “Kur agonte drita”.

Vepra “KUR AGONTE DRITA”, e botuar para pak ditësh në Gjilan, është një vepër e rëndësishme e Medina Dautit dhe e letërsisë shqipe.

Ajo është një vepër e rëndësishme, jo vetëm pse është vepra e parë e një krijueseje të re, por pse ajo zbulon një talente të pamohueshme letrare, siç është talenti krijues i Medinës, dhe për shkak të vlerave të pamohueshme të veprës “KUR AGONTE DRITA”, e cila, që në titull, shpreh frymëzimin dhe realizimin letrar të veprës.

Leximi i veprës “KUR AGONTE DRITA”, na habit me përmbajtjen e veprës, me gjithë atë pasuri ndjenjash e mendimesh të çiltëra të një krijueseje të talentuar, na habit për formësimet e bukura, për porositë e rëndësishme për lexuesin, për kënaqësinë artistike që sjell vepra dhe gjithë atë dëshirë e respekt që zgjon vepra për jetën dhe vlerat e mëdha në jetë.

Në veprën “KUR AGONTE DRITA”, në trajta të bukura letrare lexojmë ndjenjat e mendimet e sinqerta të një krijueseje të re, e cila, me sinqeritet, ndjen, këndon dhe zbulon ndjenjat e mendimet e saj për botën dhe realitetin jetësor që na rrethon.

Hidromorava

Në radhë të parë, Medina emocionohet e frymëzohet të shkruajë për gjërat më të afërta e më të dashura të jetës – siç janë anëtarët e familjes, të cilëve ajo edhe ua kushton veprën e saj.

Nëpërmjet poezisë së saj Medina shpreh dhimbjen për vuajtjet e fëmijëve, prandaj bën thirrjen e saj që fëmijët t’i përjetojnë lumturitë jetësore dhe të mbrohen nga përjetimet e hidhura në jetë.

Kështu, në tërësi, mund të thuhet se vepra “KUR AGONTE DRITA” ka një larmi përmbajtësore – tematike.

Nëpërmjet poezisë së saj Medina shpreh mjaft porosi të rëndësishme për lexuesit. Ato porosi të saj ajo i shpreh haptazi, madje ajo kërkon që ato të jenë pjesa më e rëndësishme e vjersha të saj.

Gjuha e vjershave të Medinës, për moshën e saj, është mjaft e pasur.
Forma e vjershave është shumë e larmishme, e bërë nga vargje të gjatësive dhe e strofave të ndryshme.

Vepra “KUR AGONTE DRITA” , ka edhe mjaft ilustrime të bukura, të cilat e bëjnë veprën edhe më të pasur dhe më të vlershme artistikisht dhe më të çmuar për lexuesin./rajonipress/