Lëvizja “Vatra” takon banorët e lagjes “Dheu i Bardhë” në Gjilan

Gjilan – Kandidati për Kryetar të Gjilanit nga Lëvizja “Vatra”, Sejdulla Kadriu dhe Kandidatja për këshilltare Komunale e kësaj Lagje Merita Sejdiu vizitojnë Rrugen “Agim Rashiti” në Gjilan.

Banorët e kësaj lagje e informuan Kadriun me brengat dhe shqetësimet e tyre. Pengesë kryesore ishte mos asfaltimi i rrugës dhe ndriçimi publik, sepse siç shprehen banorët e kësaj rruge, këtu ka banor me aftësi të kufizuar, e kjo e vështirëson në masë lëvizjen e tij dhe të familjarëve të tij.

Kryetari , Kadriu u zotua që me qeverisjen e Vatrës rrugët, ujësjellësi, dhe ndriçimi publik është obligim e jo privilegj i ndokujt, sepse ato janë të domosdoshme për një jetë normale të qytetarëve.

Gjithashtu, Kryetari me bashkëpunëtorë vizitoi edhe Qendrën Tregtare “Drini Market” ku është informuar se pas heqjes së taksës para ca ditësh, këtu ka filluar të shtohen lëvizjet nga Bujanoci, por jo në atë masë sa kemi pritur, ngase pas një kohe të gjatë qytetarët janë drejtuar në tregjet tjera si në Vrajë, Kumanovë e gjetiu./rajonipress/