“Lëvizja Vatra” kompleton organet drejtuese

Gjilan – Pas diskutimeve të shumta në mënyrë demokratike dhe me vota unanime u zgjodhën dy nënkryetarë: Osman Ramadani dhe Myrtez Limani, ndërsa sekretar u zgjodh, Ibrahim Maliqi.

Kryesia e Lëvizjes “Vatra”, të mërkurën mbajti mbledhjen e radhës ku morën pjesë shumica e anëtarëve të kryesisë (16), dhe u diskutua për shumë probleme, por me theks të veçantë u diskutua hapur për zgjedhjen e organeve të kryesisë së Lëvizjes “Vatra”, si dhe për kooptimin e anëtarëve të ri të cilët kanë shprehur gatishmëri të jenë pjesë e Kryesisë së Lëvizjes “Vatra”.

Pas diskutimeve, në mënyrë demokratike dhe me vota unanime u zgjodhën dy nënkryetarë: Osman Ramadani dhe Myrtez Limani, ndërsa sekretar u zgjodh, Ibrahim Maliqi.

Po ashtu kryesia e Lëvizjes “Vatra” me unanimitet të plotë zgjeroi kryesinë me anëtarë të ri. Anëtarët e ri të kryesisë janë: Muharrem Llapashtica Ajvali, Gani Fejza , Fushë Kosovë ndërsa, Gani Krasniqi, Labinotë Devaja, Arton Fetahu, Fitore Limani, dhe Ismajlhaki Sadiku, të gjithë këta me vendbanim në Gjilan./rajonipress/