Leverkuseni i stërkënaqur me Mehmedin

Leverkusen – Sulmuesi shqiptar i Bayer Leverkusenit, Admir Mehmedi, po vlerësohet lojtar i kompletuar nga zyrtarët e klubit, trajneri dhe ish-trajnerët e tij.

“I shpejtë, me mençuri teknike dhe me dhunti të shumta”, u shpreh drejtori sportiv i Bayer Leverkusenit dhe legjenda e futbollit gjerman, Rudi Voller, të hënën, për “Kicker”.

Mehmedi 24-vjeçar te Bayer Leverkuseni u transferua gjatë këtij muaji nga Freiburgu. Me Leverkusenin ka firmosur kontratë deri në qershor të vitit 2019. Pritshmëritë janë të mëdha nga Mehmedi. Vlerësohet të jetë lojtar që luan në shumë pozita sulmuese, në qendër të saj, krah si dhe në qendër të mesfushës.

Lëvdatat për Mehmedin nuk i kurseu as trajneri i Leverkusenit, Christian Streich.

“Është lojtar pozitiv dhe do ta ndihmojë ekipin në shumë mënyra. Mehmedi dëshiron të vazhdojë me suksese dhe të zhvillohet edhe më shumë si futbollist. Ai ka potencial dhe aftësi të jashtëzakonshme. Ne presim shumë nga Mehmedi në edicionin e ri”, tha ai.