Leutrim Kryeziu sjell fitoren e Kosovës ndaj Izraelit

Gjilan – Në kuadër të kualifikimeve për Evropianin e Futbollit i cili do të mbahet në Finland, në ndeshjen e dytë Përfaqësuesja e Kosovës U19 ka mposhtur njomakët e Izraelit me rezultat 2-1.

Protagonist i kësaj fitore të madhe të djelmoshave të Përzgjedhësit të Kosovës, Ramiz Krasniqi, ishte futbollisti i Dritës, Leutrim Kryeziu që arriti dy herë ta tund rrjetën e Izraelit.

Futbollistët e Kosovës mjaft mirë e filluan ndeshjen por nga një pakujdesi futbollistët e Izraelit arritën të parët në epërsi në minutën e 32-të, i cili ishte një dush i ftoftë për djelmoshat Kosovar.

“Dardanët” e Kosovë, ky gol vetëm sa i motivoj më tepër duke atakuar më shpesh portën Izraelite dhe këtë e arrin sulmuesi i talentuar Kosovar, Leutrim Kryeziu në minutën e 41 duke barazuar në 1-1.

Me këtë gol futbollistët Kosovar vetëm sa marrin krah edhe më tepër, tre minuta më vonë në minutën e 44-të, qendërsulmuesi i Kosovës Kryeziu, edhe një herë del në skenë duke shënuar golin e epërsisë duke sjell gëzim të madh në shtabin e Përfaqësueses së Kosovës.

Me këtë fitore Përfaqësuesja e Kosovës ka rritur gjasat që të kualifikohet në Evropianin i cili do të mbahet në Finland.

Në ndeshjen e radhës dhe të fundit, Përfaqësuesja e Kosovës u19 do të takohet me Lituaninë./rajonipress/