Letra e dekanit Ahmeti për profesorët kapadainj të UP-së

Një letër që dekani i Fakultetit Ekonomik, Skënder Ahmeti, ia ka drejtuar stafit të tij, me rastin e fillimit të këtij viti akademik, ka nxjerrë në pah disa nga problemet më të mëdha me të cilat po ballafaqohet jo vetëm ky fakultet, por tërë Universiteti i Prishtinës.

Në këtë letër të gjatë, një kopje të së cilës e ka siguruar “Koha Ditore”, dekani Ahmeti shkruan sesi profesorët nuk u përmbahen programit të përcaktuar në syllabus, por ligjërojnë si t’iu teket, pastaj se në dy lëndë të ndryshme profesori ligjëron të njëjtat njësi (profesorët që japin më shumë se një lëndë brenda fakultetit), pastaj se ka asistentë që nuk e përfillin fare profesorin dhe se ka asistentë që veç hijen e kanë në fakultet.

Ai e kishte nisur këtë letër në mbi 90 adresa elektronike të stafit të këtij fakulteti, duke thënë se po e shkruan atë “në pamundësi të bisedimeve veç e veç”./KOHA.net