Letnica rreshtohet fuqishëm pas LDK-së, Robert Ukaj merr mbështetje masive në prag të zgjedhjeve

Viti – Letnica ka dhënë një mesazh të qartë politik dhe qytetar në prag të zgjedhjeve, duke dëshmuar mobilizim, unitet dhe mbështetje të fuqishme për Lidhjen Demokratike të Kosovës dhe kandidatët e saj. Në takimin e organizuar me kryetarin e Degës së LDK-së në Viti, Sokol Haliti, qytetarë të shumtë të këtij lokaliteti shprehën përkrahjen e tyre të plotë për vizionin e LDK-së dhe për kandidatin për deputet, Robert Ukaj.

Atmosfera e takimit u karakterizua nga entuziazmi, energjia pozitive dhe besimi në një përfaqësim të denjë të Anamoravës në institucionet qendrore të vendit. Pjesëmarrësit vlerësuan angazhimin e vazhdueshëm të LDK-së për zhvillimin e komunës së Vitisë, si dhe kontributin e figurave që synojnë të sjellin frymë të re dhe përfaqësim më të fuqishëm të qytetarëve.

Mbështetja e treguar për Robert Ukajn, kandidatin që vjen nga diaspora shqiptare në Zvicër, u konsiderua si vlerësim për përkushtimin e tij ndaj LDK-së dhe lidhjen e pandërprerë me vendlindjen. Qytetarët e Letnicës shprehën bindjen se përfshirja e diasporës në vendimmarrje përfaqëson një vlerë të shtuar për Kosovën dhe zhvillimin e saj.

Me një mobilizim të jashtëzakonshëm dhe mesazhe të qarta bashkimi, Letnica u rreshtua fuqishëm në rrugën drejt 7 qershorit, duke dëshmuar se mbështetja për LDK-në 113 dhe kandidatët e saj po merr përmasa gjithnjë e më të mëdha në mbarë Anamoravën./rajonipress/