Leotrim Rexhepi nokauton kundërshtarin në debutimin në boksin profesionist

Boksieri me origjinë nga Pogragja e Komunës së Gjilanit, në debutimin e tij në boksin profesionist ka shkëlqyer në Pallatin e Sporteve “Bill Klinton” në Ferizaj. 22 vjeqari Leotrim Rexhepi në raundin e parë e ka detyruar gjyqtarin ta ndërpret meqin, pasi pas tri goditjeve të fuqishme e rrëzon në dysheme boksierin nga Turqia, Emin Acar.

Rexhepi edhe në boksin amatorë kishte korrë suksese të mëdha, ndërsa në boksin profesionist do ta pret një karrierë e shkëlqyer duke ditur talentin dhe potencialin që ka në mes litarëve.

Për debutimin e tij në meqin e parë profesionist, Rexhepi është deklaruar se ndihet mjaft mirë me paraqitjen e tij. “Për këtë meqë jam përgatitur tani e një kohë të gjatë, dëshira ime ishte të startoj me fitore dhe këtë e arrita ndaj një kundërshtari mjaft të fort siç ishte boksieri Emin Acar. Dua ta falënderojë trajnerin tim dhe të gjithë ata që e aranzhuan këtë meq timin të parë në boksin profesionist, një falënderim i veçantë shkon edhe për të gjithë përkrahësit e mi të cilët në asnjë moment nuk dyshuan në aftësitë e mia,synimet e mia janë në botën e boksit profesionist të arrijë sa më shumë në ranglistën e boksit gjerë në 57, 5 kg”.

Leutrim Rexhepi ka zbuluar për dashamirët e boksit të Gjilanit dhe Kosovës se shumë shpejt do të ketë meqin e dytë në boksin profesionist. “Në fillim të shtatorit që do të thotë pas një muaji, do të kem meqin e dytë, ndërsa shumë shpejt do ta kuptojmë edhe kundërshtarin. Ky meqë në gala mbrëmje të boksit do të zhvillohet ne turneun memorial kushtuar dëshmori “Agim Rashiti”, i cili do të zhvillohet në Palestrën Sportive “Bashkim Selishta-Petriti”.

Në këtë mbrëmje shpresoj se palestra do të stërmbushet me tifozët e boksit e unë ju premtoj që t’ju dhuroj fitoren e dytë në boksin profesionist”. Do të jetë një rast spektakolar që i tërë qyteti i Gjilanit në këtë mbrëmje të boksit t`i bashkëngjitemi boksierit të talentuar në përkrahje drejt fitores së dytë./rajonipress/