Leotrim Rexhepi dhuron spektakël të boksit, nokauton boksierin hungarez

Gjilan – Talenti i madh i boksit nga Pogragja e Gjilanit, Leotrim Rexhepi në meqin e tij të dytë profesionist në Palestrën e Sporteve ”Bashkim Selishta-Petriti”, ka dhuruar emocione të pafundme duke treguar boks spektakolar, duke mposhtur boksierin hungarez në raundin e dytë me “knock down”. 23 vjeqari Rexhepi në raundin e parë i tregoi boksierit hungarez se kot ka udhëtuar në Kosovë, pasi që në raundin e parë Rexhepi e solli dy herë në “knock down”, por gongu e shpëtoi nga me e keqja.

Në fillim të raundit të dytë boksieri Rexhepi me goditje të njëpasnjëshme e plandos në dysheme boksierin Istvan Kovacs.

Rexhepi edhe njëherë tregoi se ka talent të madh në mes ringut dhe me të drejt është prespektiv e boksit Kosovar. Pas duelit, Leotrim Rexhepi, deklaroi. “Isha i vetëdijshëm se përballë do të kem një boksier shumë të forte,por isha i përgatitur maksimalisht për këtë meqë dhe ja arrita qëllimin që kisha. Këtë fitore i’a dedikoj familjes sime e cila më përkrah në çdo hapë, poashtu fitoren ia dedikoj heroit të kombit Agim Ramdanit-Katana dhe të gjithë atyre që më ndihmuan për këtë meqë shumë domethënës për karrierën time. Unë ju premtojë se edhe në të ardhmen do t’ju gëzoj me fitore”./rajonipress/