UBT

Leotrim Kryeziu talenti që po i përmbush parashikimet

/ 3 minuta lexim

Gjilan – Talenti i madh i Dritës, sulmuesi Leotrim Kryeziu me paraqitjet e tija në Përfaqësuesen e Kosovës U19, i cili shokoi Përfaqësuesen e Izraelit dhe Lituanisë duke ju shënuar nga dy gola në ndeshjet parakualifikuese të rrethit “Elite Round”, që u mbajtën në shtetin e Austrisë është bërë njëri ndër sulmuesit më të kërkuar në futbollin e Kosovës.

Sulmuesi shtatgjatë ka pasur paraqitje edhe ne fanellën “bardh e kaltër” të Dritës, Kryeziu ka pasur lojëra mjaft të mira duke kontribuar në rezultatet e klubit e cila sot gjendet në pozitën e tretë në Superligën e Kosovës.

Këto paraqitje të mira ka bërë që sot kapiteni i Përfaqësueses së Kosovës U19, të jetë një futbollist mjaft i respektuar në futbollin e Kosovës.
“Dua ta falënderoj përzgjedhësin Ramiz Krasniqin i cili ka besim në mua dhe besimin që ka në lojën time, në Austri ishte diçka e jashtëzakonshme nga tri ndeshje shënova 4 gola duke bërë të mundur që Përfaqësuesja të kualifikohet në rrethin “Elite Round”, ku do të ndeshemi me Portugalinë, Republikën e Irlandës dhe Sllovakin, e dimë që do të jetë vështirë por dëshira dhe puna të cilën po e bëjnë stafi U19 është gjithçka profesionale”.

Me qëllim të përgatitjeve sa më cilësore Përfaqësuesja e Kosovës U19 nga 22 janari gjerë me 29 janar do të përgatitet në Anataly në Turqi.

RCCOLA

Cilësia e Kryeziut nuk mbetët pa u vërejtur edhe nga Përzgjedhësi i Kosovës, Muharrem Sahiti, i cili e ka ftuar sulmuesin Leotrim Kryeziun në ndeshjen miqësore me Azerbejxhanin e cila zhvillohet me 2 shkurt në Anatalia të Turqisë.

“Nga 22 -29 dhjetor do të jem në përgatitje me U19, më pastaj do t`i bashkëngjitëm Përfaqësueses në ballafaqim me Azerbejxhanin, është një nder i madh dhe jam i lumtur me ftesën që më ka bërë Përzgjedhësi Muharrem Sahiti, në qoftëse më jepet rasti të luaj në fushë do të jap më të mirën për ngjyrat e shtetit tim, do të jetë një ndeshje ku për herë të parë do të debutoj në Përfaqësuesen A është një ndjenjë jashtëzakonisht e mirë”, ka bërë të ditur sulmuesi Kryeziu.

Për talentin e madh që po i vjen futbollit të Kosovës, në të ardhmen shumë nga trajnerët Kosovarë, Kryeziut i kanë paraparë një karrierë të madhe futbollistike, ndërsa skuadra e Dritës duhet të mburret që ka një futbollist siç është talenti Leutrim Kryeziu./rajonipress/