Leonora Jakupi: Nuk flas nëse kam lidhje, por nuk e mendoj ndarjen

Këngëtarja e njohur kosovare Leonora Jakupi nuk ka pranuar të flasë për jetën private dhe nëse ka ndonjë lidhje dashurie.

Por, ajo në emisioni, Oktapod të Turjan Hyskajt, ku promovoi këngën e saj të re “Pushkë e Çifteli” bashkë me Gold AG, ka thëën se gjithsesi nuk do të donte të ndahej kurrë nga lidhja e saj.

Duke komentuar karakterin patriotik që kakënga, e duke bërë të ditur se e ka promovuar në përvjetorin e lirisë së Kosovës, Jakupi bën thirrje për ulje tensionesh dhe kompromis mes shqiptarëve.

Këngëtarja e konsideron Presidentin e ri Hashim Thaci, si person që ka lindur me yll në ballë. Jakupi pohon se ka tentuar në disa raste të hyjë në politikë, por është tërhequr për shkak të nivelit të dobët intelektual që ka parlamenti i Kosovës.

Përsa i përket muzikës shqiptare, Jakupi vlerëson se ka shumë prodhim dhe pak kualitet të vërtetë artistik.

Sipas këngëtares së njohur kosovare, Adriola Dushi, është një nga femrat më të bukura në të dy anët e kufirit të shteteve shqiptare.

(Kosova Sot)