Lenjani: Populli është lodhur me zgjedhje, ata duan kushte, punë e zhvillim

Kamenicë – Selver Lenjani thotë se zgjedhjet e jashtëzakonshme po i kushtojnë Kosovës dhe popullit të saj të vuajtur i cili në vend se të përkrahet me zhvillim ekonomik e punësim, politikanët tanë po e dëmtojnë ditë e më tepër.

Selver Lenjnai thotë se brezi kufitar nuk po sheh asnjë perspektivë nga kjo shtresë e politikanëve dhe nga kjo Qeveri tekanjoze e cila për një mandat deshti ta kall krejt Kosovën.

“Populli është i zhgënjyer me këtë qeverisje qendrore sepse ajo nuk i ka sytë tek qytetari i saj, por tek interesat e saja të ngushta. Albin Kurti e Vjosa Osmani kurrë se qelën gojën për brezin kufitar” shprehet Lenjani.

Lenjani për rajonipress thotë se banorët e brezit kufitar, as që kanë interesim për zgjedhjet e jashtëzakonshme.

“Ata presin përkrahje me projekte, rregullim të infrastrukturës, punësimin e të rinjëve dhe jo zgjedhje – zgjedhje njëra pas tjetrës. Albini e shkatërroi Kosovën tash don me fundos edhe brezin kufitar” tha Lenjani./rajonipress/