Lenjani: Policia e Kosovës do të ketë qasje edhe në brezin kufitar

Gjilan – Selver Lenjani thotë për rajonipress se tashmë pas presioneve të shumta është vendosur që të ketë një punkt të përhershëm policor në Karaqevë. “Kjo kërkesë ka qenë e përhershme nga ana ime sepse të mos kenë qasje policia e Kosovës në territorin tonë është vërtet e pakuptimtë” shprehet Lenjani.

Lenjani tha se policia e Kamenicës në bashkëpunim me vijën e gjelbër do të jenë kujdestar në Karaqevë dhe do të kenë qasje në vijën kufitare ku deri tani e kanë pasur të ndaluar.

Sipas Lenjanit edhe KFOR-i ka premtuar se do ta rishikojë baypass-in e vendosur më herët. “Jam i sigurt se edhe KFOR-i kanë dëshirë që këtë problem ta zgjidhin në favor të banorëve të Karaqevës” tha Lenjani./rajonipress/