Gjilan – Selver Lenjani në letrën dërguar Vjosa Osmanit, Glauk Konjufcës, Albin Kurtit dhe Rifat Latifit ka kërkuar prej tyre që të ndihmojnë Kamenicën dhe brezin kufitar në ofrimin e shërbimeve mjekësore adekuate.
Letra e plotë:
Të nderuara institucione e Republikës së Kosovës.
Kërkojmë nga instancat mat larta të shtetit ku ne si Bashkësi Lokale e Brezit Kufitar Karaçevë e poshtme vazhdimisht kemi probleme të shumëfishta me njerëz të sëmur ku kërkohet ndihma mjekësore që të kryhen shërbimet në shtëpinë e shëndetit në Kamenicë e ku të njëjtat shërbime i mungojnë banorëve të brezit kufitar i mungojnë te gjithë – Qytetarëve të Komunës së Kamenicës, i mungojnë këto shërbime, sepse për të marr ndihmën mjekësore, mungojnë ekspertët e mjekësisë siç janë: Mjeku Internist, Pediatri, Gjinekologu, Kardiologu, Oftalmologu, si dhe ORL etj.
Komuna numëron mbi 40 mijë banorë ndërsa mungojnë mjekët e të gjitha lamive lart cekur. Një gjë e dimë të gjithë banorët jemi në varfëri të skajshme si banor të brezit kufitar Karaçevë e Poshtme si dhe qytetarët e Komunës së Kamenicës ndihma për gjithë qytetarët i mungojnë këta ekspert në shtëpinë e shëndetit.
Banorëve i duhet të marrin rrugë për ne Gjilan për të kërkuar ndihmë. Por megjithatë qytetarëve të Kamenicës i mungojnë kushtet financiare. Të nderuara institucione të bëni përpjekjet të pajiset Shtëpia e Shëndetit me ata mjek te lartë cekur, sepse jemi të pa ndihmuar nga institucionet sepse askush nuk merret me Kamenicën. Në emër te Bashkësisë Lokale ta bëjmë sensibilizimin se i mungon kuadri adekuat për t`i kryer shërbimet mjekësore ka shkruar Selver Lenjani./rajonipress/
