Lenjani kërkon investime serioze në Karaqevë

Kamenicë – Selver Lenjani thotë se Karaqeva e Epërme dhe ajo e Poshtme po lihen anash dhe nuk po investohet meritueshëm. Unë kam tërhequr vëmendjen edhe në kohën e Shaip Surdullit, por edhe tani në qeverisjen e Begzad Sinanit se këto dy fshatra po lihen në harresë dhe për pasojë kemi një dyndje të banorëve për në vendet e Evropës për të gjetur një jetë më të mirë shprehet Lenjani.

Selver Lenjani thotë se infrastruktura në këto dy fshatra duke filluar nga kanalizimi, ujësjellësi, ndriçimi dhe rrugët janë të dobëta dhe të stërvjeteruara. Sipas tij kanalizimi nuk është funksional dhe duhet të rregullohet nga komuna.

Lenjani mendon se vetëm investimet serioze mund tua kthejnë buzëqeshjen banorëve të mbetur atje. “Nëse ndodhin investime atëherë edhe banorët nuk do të shpërngulen, edhe pse ende kam shpresa tek Begzad Sinani se do të merret më seriozisht me problemet dhe hallet e banorëve që kanë dy Karaqevat” tha Lenjani.

“Unë kam tërhequr vëmendjen edhe në kohën e Shaip Surdullit, por edhe tani në qeverisjen e Begzad Sinanit se këto dy fshatra po lihen në harresë dhe për pasojë kemi një dyndje të banorëve për në vendet e Evropës për të gjetur një jetë më të mirë”shprehet Lenjani. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).