Lenjani kërkon hapjen e nënstacionit policor dhe të ambulancës

Kamenicë – Mbyllja e këtyre dy institucioneve të rëndësishme për brezin kufitar paraqet problem të madh sepse banorët po i humbin shpresat, andaj kërkojmë urgjentisht që të rihapen këto dy institucione të rëndësishme thotë Selver Lenjani.

Selver Lenjani në emër të Bashkësisë lokale të Karaçevës ka kërkuar nga Gazmend Hoxha, Vjosa Osmani që të kenë parasysh shqetësimin e banorëve të brezit kufitar sepse mungesa e nënstacionit policor dhe e ambulancës në fshat, e bënë të pasigurt jetesën atje.

Edhe vet KFOR-i, NATO, EULEXI dhe Brukseli janë pajtuar që të ketë nënstacion të policisë e tash janë bërë katër muaj dhe ky objekt është i mbyllur.

“Pa polici nuk ka siguri të mjaftueshme kurse mungesa e ambulancës e vështirëson jetesën e banorëve të brezit kufitar. E falënderojmë ish ministrin Bejtush Gashi i cili ishte iniciator për ta hapur pikën policore, e tash nuk e kemi të qartë pse është mbyllur” ka shkruar Selver Lenjani./rajonipress/