Lenjani e Shaqiri në përbërjen e “Euro 2016”

Dy futbollistët nga Kosova me dy kombëtare të ndryshme janë përzgjedhur nga Sky Italia në formacionin më të mirë të takimeve të fundit eliminatore. Ermir Lenjani (Shqipëria) dhe Xherdan Shaqiri (Zvicra) janë dy futbollistët shqiptar nga Kosova që janë përzgjedhur në formacionin më të mirë të ndeshjeve të fundit eliminatore për “Euro 2016”.

Lenjani, i cili dhuroi një tjetër paraqitje fantastike me kuqezinjtë kundër Francës, për çfarë u vlerësua lartë edhe nga vet komentatori i Sky Italia. Shaqiri realizoi dy gola spektakolar kundër Lituanisë, duke ia lehtësuar fitoren bashkëlojtarëve të tij në kombëtaren e helvetike.

Të dy futbollistët madje janë nga rajoni i njëjtë i Kosovës nga Anamorava, Lenjani nga Kamenica, kurse Shaqiri nga Zhegra./tribuna/