Lenjani: Do t`i kundërshtojmë fuqishëm tabelat sepse i mundësojnë Serbisë legalizimin e rrugës në territor të Kosovës

Gjilan – Selver Lenjani kryetar i bashkësisë lokale në fshatin Karaqevë e Poshtme Komuna e Kamenicës thotë se KFOR-i ka vendosur sërish tabela tek vendi i quajtur “Te Kanikut”, në brendësi të fshatit Novosellë dhe tabela tjetër në të dalur të fshatit Novosellë.

“E kundërshtojmë fuqimisht vendosjen e këtyre tabelave megjithëse është territor i joni me gjithë dokumentacionin e kemi është tokë e jona dhe takimin që e kemi pasur si bashkësi lokale me pjesëtarët e KFOR-it të kampit “Bondstell”, atje vendoset që rruga të hapet e reja në krye të Roganes ka Lagjja e Behoviqe, kah lagjja e Selishtëve për të hy në mesin e dy Karaqevavë për 12 deri 13 kilometra zgjatet rruga për të hy në shtëpitë e tyre” shprehet Lenjani.

Lenjani tha se këto tabela fuqimisht i kanë kundërshtuar sepse ja mundëson Serbisë legalizimin e kësaj rruge dhe përndryshe këtë duhet ta mbrojmë me çdo kusht se është tokë e jona në rezolutën 1244 në marrëveshjen tekniko ushtarake, që i ka falsifikuar hartat e Kosovës se gjoja ato janë territor i Serbisë dhe kërkoj prej institucioneve pse nuk merret me çështjen e Karaqevës dhe t`i jepet urdhëresë Policisë së Kosovës që të hy në rrugën e asfaltuar u shpreh Lenjani./rajonipress/