Lenjani: Brezi kufitar u anashkalua në fushatën zgjedhore

Gjilan – Selver Lenjani përfaqësues i Bashkësisë Lokale në Karaqevë thotë për rajonipress se nuk është i kënaqur me tretmanin që kandidatët për kryetar të Kamenicës i kanë kushtuar brezit kufitar. Brezi kufitar dhe provokimet e xhandarmërisë kërkojnë guxim, vullnet dhe angazhim institucional e qytetar thotë ai.

Fushata zgjedhore sikur e ka lënë anash problemin e vijës kufitare në Karaqevë, pikë kjo ku shpeshherë ndodhin provokime nga ana e xhandarmërisë serbe.

Selver Lenjani banor i atjeshëm dhe përfaqësues i Bashkësisë Lokale në Karaqevë thotë për rajonipress se ka përcjellur me kujdes të gjitha programet e partive politike, por edhe fushatën e tyre, megjithatë pak prej tyre janë marrë me brezin kufitarë.”Unë i përgëzoj të gjithë kandidatët e Kamenicës, por ata duhet të kuptojnë se problemet e brezit kufitar dhe provokimet e përditshme të xhandarmërisë serbe kërkojnë guxim, vullnet dhe angazhim institucional e qytetarë”.

Lenjani tha se vetëm Ahmet Isufi e ka vizituar Karaqevën dhe është treguar korrekt sepse nuk ka lejuar që të bëhet publike vizita e tij në kohë fushate.”Isufi na ka premtuar se në Parlament do ta sensibilizojë problemin e Karaqevës dhe jemi të sigurt se edhe Komuna e Kamenicës do të loboj që Parlamenti ta thotë fjalën e vet” shprehet Lenjani./rajonipress/