Lenjani: Brezi kufitar i është mirënjohës KFOR-it amerikan dhe të gjithë atyre që punojnë për siguri e jetesë normale në këtë vend

Kamenicë – Bashkësia Lokale në Karaçevë të Poshtme me rastin e 28 nëntorit shpalljes së Pavarësisë së Shqipërisë u ka ndarë mirënjohje përfaqësuesve të KFOR-it amerikan dhe figurave e personaliteteve tjera që merren dhe kujdesen, që brezi kufitar të ndihet i sigurt. Selver Lenjani ka thënë se këta njerëz janë garancë që ne të qëndrojmë edhe më tutje në trojet tona.

Në këtë ngjarjes të shënuar nga ana e brezit kufitar dhe me organizimin e Selver Lenjanit Bashkësia Lokale e Karaçevës së Poshtme, me rastin e 28 Nëntorit, mirënjohje u ka ndarë KFOR-it amerikan, ndërsa në këtë ceremoni rasti kanë marrë pjesë edhe Mazllun Baraliu, Sadri Rexhepi ushtarak i lartë, Shukri Aliu, Xhevat Sadiku, Skender Haliti, Verona Sadiku Haliti, Selver Keka dhe veprimtar të çështjes kombëtare nga komuna e Prishtinës, Vitisë etj.

Selver Lenjani ka thënë me këtë rast se të gjithë këta njerëz dhe i tërë ky angazhim i faktorëve të shumtë na bëjnë krenar dhe motivues që të qëndrojmë stoikisht në vatrat tona.

“KFOR e NATO për ne janë siguria dhe ekzistenca kombëtare dhe mënyra më e mirë për të nderuar këta faktor është respekti dhe nderi që ne mund t`i bëjmë duke e kuptuar rolin dhe rëndësinë që ata kanë në teren. Unë ende kam shpresa se kjo pjesë e Karaçeves do të jetë e lirë me ndihmën e faktorit ndërkombëtar e miqve amerikan së bashku me NATO-n dhe Bashkimin Evropian” ka thënë Lenjani./rajonipress/