Lëngu magjik nga boronicat e kuqe që pastron organizmin
Pas më shumë se dy dekada punë për përsosmërinë e dietave dhe mënyrën e pastrimit të organizmit prej helmeve, nutricistja Ann Louise Gittleman përsëri ka gëzuar të gjithë ata që dëshirojnë jetë të shëndetshme. Ann, 64 vjeçe dhe autore e 30 librave, kësaj radhe e ka menduar planin e pastrimit të organizmit prej helmeve që përfshin të ashtuquajturin lëng çudibërës.
Lëngu me ngjyrë të kuqe, që përbërës kryesor ka lëngun nga boronicat e kuqe, xhenxhefilin dhe limonin, mëlçisë suaj i dhuroi jetë të re, do ta pastrojë nga helmet e me vetë këtë do ta përmirësojë punën e organizmit në përgjithësi.
Në fakt, mëlçia është organi më i madh në brendi që e pastron gjakun, rregullon sistemin e tretjes, rregullon sheqerin në gjak dhe në fund ndihmon në përpunimin e yndyrës dhe në prodhimin e proteinave.
Secila gotë me verë, kafe apo ushqim industrial, këtij organi i jep një shuplakë të rëndë, megjithëse të gjithë e njohim aftësinë e saj për rigjallërim.
Prandaj, mos lejoni ngarkimin e tepërt të mëlçisë, por përcaktohuni për lëngun magjik dhe i ndihmoni mëlçisë t’i spastrojë helmet. Para pastrimit të organizmit tuaj, nevojitet që t’i qaseni një regjimi të butë të ushqimit, ku përfshihet konsumimi i pemëve dhe perimeve, të cilat e pastrojnë zorrën e trashë dhe e përgatisin mëlçinë. Dita e tetë është e rezervuar për agjërim që përfshin konsumimin e ujit dhe lëngun magjik.
Pas shpëlarjes së helmeve pason kthimi në “normale”, ku ju ndihmojnë probiotikët, ushqimet e fermentuara, në mënyrë që me sukses të ndihmojnë në sintezë dhe ta forcojnë sistemin imun, transmeton gazeta Kosova Sot Online.
Përbërësit për lëngun magjik:
2 litra lëng nga boronicat e kuqe
½ e lugës kanellë të bluar
¼ e lugës xhenxhefil të imtësuar
¼ e lugës arrëmyshku
¾ e lugës lëng të freskët të shtrydhur nga portokalli
¼ e lugës lëng të freskët të shtrydhur nga limoni
Stevia (1-3 paketime)
Përgatitja:
Zieni ujin apo lëngun nga boronicat e kuqe dhe ulni pak temperaturën në mënyrë që t’i shtoni erëzat. Krejt së bashku i zieni edhe për pesëmbëdhjetë minuta dhe më pas i lini të ftohen në temperaturë të dhomës. Përzieni lëngun e portokallit dhe limonin dhe shtoni bimën e quajtur stevia. I vendosni në frigorifer. Fshehtësia e këtij lëngu magjik është në lëngun nga boronicat e kuqe, antioksidues i fortë, erëzat që pakësojnë urinë dhe lëngun nga limoni dhe portokalli, që paraqesin bombë të vërtetë prej vitaminave në luftën kundër yndyrave.
(Kosova Sot)