Lëndohet në fabrikë, dërgohet urgjentisht në QKUK një punëtor i fabrikës “Borovci”

Gjilan – Policia e Kosovës ka pranuar një informatë se në fabrikën e tullave ”Borovci” në fshatin Crep, Komuna Ranillug, ka ndodhë një incident i rëndë, ku njëri nga punëtorët mirëmbajtës i makinave në këtë fabrikë SH.A. (1976) ka pësuar lëndime të rënda trupore, ku personi në fjalë ka humbur dorën e djathtë.

Personi i lënduar për shkak të lëndimeve të rënda është transportuar me urgjencë për në QKUK, Prishtinë njoftoj Ismet Hashani zëdhënës i policisë.

Sipas hetimeve të para në vendin e ngjarjes dhe dëshmitarëve okular dyshohet se viktima nga pakujdesia duke punuar në njërën nga makinat e fabrikës kishte marrë lëndime në krah, dhe si pasojë e goditjes nga makina iu kishte këputur krahu.

Viktima ishte transportuar në spitalin e Gjilanit e më pas edhe në QKUK në Prishtinë dhe sipas informatave viktima është jashtë rrezikut për jetë.

Njësitet e Policisë së Kosovës nga hetimet rajonale kanë kryer ekzaminimin e vendit të ngjarjes dhe në vijim do të zhvillohen intervista me dëshmitarët
e rastit.

Me të gjitha veprimet lidhur me këtë rast të rëndë është njoftuar Prokurori i shtetit./rajonipress/