Gjatë negociatave, ai është hedhur nga dritarja e katit të parë në një bodrum dhe ka pësuar lëndime
Me rastin e përpjekjeve për dëbim të një burri nga Kosova, që ishte planifikuar për sot, më 13 shtator 2022, në Gelsenkirchen, 51-vjeçari i ka shkaktuar vetes lëndime, shkruan ots.de.
Para kësaj, ai nuk i kishte lënë zyrtarët e zyrës së emigracionit të hynin në banesë dhe kishte kërcënuar me armë nga dritarja, transmeton albinfo.ch. Për këtë arsye, i është kërkuar ndihmë policisë, e cila ka arritur në vendin e ngjarjes.
Policët, të cilët janë alarmuar në orën 06:08, kanë rrethuar zonën përreth shtëpisë në fjalë. Forcat speciale kanë komunikuar me personin, në përpjekje për ta detyruar atë të dorëzohej. Gjatë negociatave, ai është hedhur nga dritarja e katit të parë në një bodrum dhe ka pësuar lëndime.
Mjekët e kanë dërguar atë në spital për trajtim. Policia ka nisur hetimet ndaj kosovarit për posedim të armës së zjarrit.
https://www.albinfo.ch/lendohet-kosovari-pasi-kundershton-debimin-nga-gjermania/
