Lëndohet Blerim Xhemaili

Mesfushori shqiptar nga Maqedonia, Blerim Xhemaili, nuk do të jetë në gjendje ta ndihmoj skuadrën e tij, Napoli, në takimin që të enjten (sot) do ta zhvillojnë kundër PSV-së në Ligën e Evropës.

Në konferencën për media të mbajtur një ditë më parë, trajneri i napolitanëve, Walter Mazzarri, e emëroi Blerimin në 11-shen startuese për këtë takim, mirëpo disa orë më vonë mesfushori shqiptar pësoi një lëndim në stërvitje.

Kjo bëri që ai të mos përfshihej në listën e 19 lojtarëve për takimin ndaj holandezëve. Vendin e tij mund ta zë bashkëkombësi i tij, Valon Behrami. (ORAinfo)

Shpërndaje.
© RAJONIPRESS