Lëndohet Albert Bunjaku

Sulmuesi kosovar Albert Bunjaku të premten ka lënduar kofshën dhe nuk ka mundur të stërvisë me ekipin. Kapiteni i Kaiserslauternit është në dyshim për ndeshjen e së dielës kundër Jahn Regensburg, që luhet në kuadër të xhiros së 33-të të Bundesliga 2 të Gjermanisë.

“Albert Bunjaku u lëndua gjatë ushtrimeve në kofshën e këmbës dhe nuk mundi të stërvitë më. Paraqitja e tij të dielën është në dyshim”, ka thënë trajneri i Kaiserlauternit, Franco Foda, për gazetën “Bild”.

Bunjaku, 29-vjeçar, në 28 ndeshje të luajtura këtë edicion ka arritur të realizojë 13 gola e gjashtë asistime. Ai me Kaiserslauternin ka kontratë deri në qershor të vitit 2015. Kaiserslauterni zë vendin e tretë me 55 pikë.