Lëndimi që e “shkatërroi” Vedat Muriqin, s’ka startuar në pesë ndeshjet e fundit me Mallorcan

Sulmuesi i Kombëtares së Kosovës, Vedat Muriqi po kalon momente jo të mira me skuadrën e tij, Mallorca.

Muriqi nuk ka startuar në pesë ndeshjet e fundit me ekipin nga Spanja dhe krejt kjo për shkak të lëndimit që e kishte pësuar gjatë vitit të kaluar, shkruan Indeksonline

Ish-sulmuesi i Fenerbahces, ishte lënduar në muajin nëntor në stadiumin “Fadil Vokrri” gjatë ndeshjes ndaj Izraelit.

Ky lëndim e la atë jashtë fushave për më shumë se dy muaj, gjë që ia prishi formën që kishte pasur.

Pas rikthimit nga lëndimi, Muriqi ende nuk ka filluar ta marrë vetën dhe madje ka humbur edhe vendin startues.

29-vjeçari gjatë këtij sezoni në La Liga ka zhvilluar 15 ndeshje, ka shënuar katër gola dhe ka bërë dy asiste./Indeksonline/