Lëndimi ia prish planet Kumbullës: Rinovim kontrate, pastaj te Lazio

Marash Kumbulla u detyrua të zëvendësohej në ndeshjen e dytë radhazi të Hellas Verona. Në ndeshjen e parafundit, kundër Fiorentinës, ai u zëvendësua për shkak të një problemi në dorën e djathtë, ndërsa mbrëmë u ndal për shkak të një problemi të muskujve.

Mbrojtësi shqiptar i verdhebluve u zëvendësua në minutën e 19-të për një dëmtim të “flexor”-it të kofshës së djathtë, i cili do të vlerësohet nga stafi mjekësor në orët e ardhshme. Vendin e tij e zuri Dimarco. Përditësimet mbi kushtet shëndetësore të Kumbullës do të pasojnë.

Ndërkohë, sipas raportimeve nga “Corriere dello Sport”, Verona do të ishte e gatshme ta rinovojë kontratën me xhevahirin e saj 20-vjeçar, përpara se ta shiste te Lazio.

Në fakt, klubi veronez do të dëshironte t’i bëjë një përmirësim ekonomik të merituar shqiptarit, para transferimit të tij. Në gjurmët e mbrojtësit kuqezi është edhe Napoli.

Lazio, megjithatë, duket se ka në dorë shanset optimale për ta marrë talentin që ka shkëlqyer në Serie A këtë sezon.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).