Leme Xhema dhe roli i saj në gjallërinë e Medvegjës dhe sensibilizimin e saj

Gjilan – Leme Xhema ka një kohë të gjatë që i është kthyer vendlindjes së të parëve të saj. Ajo çdo ditë poston tekste të ndryshme për fshatrat e braktisura të Medvegjës dhe jep mesazhe shprese se aty ende ka mundësi të jetohet. Leme Xhema ndryshe është ambasadore e Luginës sepse me kontaktet e saja ka arritur që shumë shpejt ta kthej vëmendjen tek Medvegja dhe fshatrat e saja shqiptare.

Ka vullnet, guxim, dhe dëshirë që ta gjallërojë Medvegjën, si dikur, si atëherë kur qindra fshatra ishin të banuara me shqiptarë.

Leme Xhema po bënë një punë të jashtëzakonshme duke ngritur probleme e shqetësime nga më të ndryshmet për komunën e Medvegjës e në veçanti për popullatën shqiptare.”Unë tashmë jetojë këtu dhe jam mishëruar me çdo pëllëmbë të Medvegjës. Do të jetojë përherë me këtë entuziazëm sepse sot patriotizëm është që ta duash atdheun dhe të kujdesesh për varret e të parëve, për tokat e tyre, fushat, livadhet, shtëpitë e gjithçka tjetër që lidhet me të parët tanë” shprehet leme Xhema për rajonipress.

Leme Xhema ka një autoritet të jashtëzakonshëm në Medvegjë sepse është e vetmja që kujdeset për familjet skamnore.”Po bëjë të pamundurën që ato pak familje që i kemi t`i ruajmë si sytë e ballit, t`i ruajmë dhe të kujdesemi që ato të besojnë tek ne, se një ditë do të bëhet mirë. Unë e kuptojë presionin e madh që po bënë Serbia, por ne nuk guxojmë të gjunjëzohemi, përkundrazi duhet të mobilizohemi edhe më shumë” u shpreh ajo./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).