Lefter Koxhaj – komandant Teli
Teksti , muzika dhe interpretimi : Demir Krasniqi
Më datën 8 Gusht të vitit 2001 –
Lefter Koxhaj – Komandant Teli , u vra në tradhti !
Lefter Koxhaj kishte ardhur nga nëna Shqipëri –
Për t’ luftuar për shqiptarët në Maqedoni !
Atë natë që është vrarë Lefteri – tregon bashkëshortja Rabia :
“ Duke qëndruar në mes tyre , me dy fëmijët flija !
Djali , i cili dy vite nuk i kishte mbushë hala –
Llahtariste në gjumë , duke thirrur :”O , Ba…Ba…!”
Ngrihem si e çmendur , për ta përçarë tmerrin –
Pasi edhe vet isha në ëndërr duke biseduar me Lefterin !
Të dy fëmijët e përgjumur në gjoks i shtrëngoja
Dhe mundohesha në çdo mënyrë nga frika t’i qetësoja !
U ngritën mëma ime, babai , vëllai dhe mbarë familja
Dhe erdhën në dhomën time , ku po flinim unë dhe fëmija !…
Qysh kur Lefteri u nis për n’ Kosovë , n’ luftë me mbërri –
Unë me fëmijët rrija në shtëpinë e prindërve të mi !…”
Tregon përmes lotëve , që s’ mund ta shuaj mallëngjimin –
Se si djali , prej asaj dite e humbi dëgjimin !
Po edhe të folurit , djalit iu kishte cunguar ,
Që në ato ditë të shenjta , porsa e kish filluar !
Nëpër shumë doktor , me djalin , nëna e vet ka shkuar –
Edhe nuk e di , e mjera , ku nuk e ka vizituar ?!
Mjekët i thoshin nga rezultatet e kontrollorit :
“ Do t’i vijë përsëri dëgjimi , po edhe të folurit !…
E ka pasur nga të tremburit e tmerrshëm në gjumë
Dhe kjo dukuri mund do t’i zgjas më shumë !”
Ndoshta kjo është tema për të cilën flasim kot
Edhe ne , njerëzit e thjeshtë nuk e shpjegojmë dot ?!
Po si është e mundur që të mos zgjas më shumë ,
Që në orën kur komandant Teli , iu vritet në gjumë –
Djali i tij , zgjohet me britma e llahtarë me trishtimin
Dhe e humbë vetëdijen , të folurit dhe dëgjimin !…
Ndërkohë kjo familje që përjetoi tmerrin –
Njëkohësisht bashkëshortja bisedonte n’ ëndërr me Lefterin ,
I cili duke vjellë i thoshte :” Nuk kam gjë , moj zonjë ,
Mua më hodhën një ilaç , por do më kalojë “!
Për shkencë bënin pyetje kudo burri – burrit :
“ A ka mundur ta shpjegojë këtë mister të trurit ?”
Pas 24 orësh , familja e Lefter Koxhajt –
Njoftohet ç’ kishin parë ëndërr i biri dhe bashkëshortja !
Lefter Koxhaj , i biri i Lutfiut dhe Alies –
Adhurues i luftës , paqes dhe liries !…
Ka lindur në fshatin Nishovë të Skraparit –
Shëmbëlltyrë ndër trima luftëtarë t’ shqiptarit !
Pasi kreu shkollën fillore dhe të mesmen n’ Poliçan –
Pat punuar n’ kooperativë – shëmbëlltyrë për çdo dyqan !
Me ndërrimin e sistemit shoqëror dhe hapjen e kufirit me Greqinë –
Shkoi refugjat ekonomik bashkë me shoqen e jetës , Rabinë !
Duke punuar n’ Kretë , n’ Athinë e n’ Selanik –
Kryente punët mirë e mbarë si ndonjë kreshnik !
Luftën e Kosovës e përjetoi nga Greqia –
Duke i ndjekur lajmet më shumë nga agjencia !…
Natën e Vitit t’ Ri , duke e pritë Vitin 2000 –
U kthye ta festonte pranë prindërve të tij !
Po në muajin Mars , o, të vitit 2000 –
Në Luginë t’ Preshevës , lufta kish shpërthye !
Dhimbje n’ shpirt e n’ zemër kishte për atë trevë –
Dhe një muaj më vonë , ai , u nis për Preshevë !
“ Grua , ndoshta edhe nuk do t’ kthehem ma –
Por , amanet fëmijët , unë , ty po t’i la !…
Djalit , me m’i thirr në emrin tim gjithmonë –
Pavarësisht se ai ka emrin e vërtetë Letjon !
Të ma rritësh Rexhinën dhe Letjonin , për herë –
Ashtu si kam dashur e t’ jam shprehur shumë herë !
Unë po shkoj në luftë , po mos m’ thuaj asnjë fjalë !
Kam vendosë atdheut jetën me ia falë !
Amanet , moj grua , çikën me gjithë djalë –
Me m’i ruajt si nënë malësore , faqebardhë me dalë !”
I kujton Rabieja çdo ditë fjalët e burrit t’ vet
Edhe lotët nuk i reshtin për asnjë moment !
Vazhdon dhimbje e madhe , aq sa nuk ka ma –
Rabieja mbet pa burrë e fëmijët pa baba !
Lefteri , pasi mbërriti n’ Kosovë , i dha Zotit Besë –
Bëri ç’ është e mundur t’ lidhej me pjesëtarët e UÇPMB –së !
Por , ata me t’ cilët u njoh n’ Gjilan kur ka hy –
E drejtuan në lidhje me atë që po përgatitej në Maqedoni !
Hynte e delte n’ Kumanovë dhe grumbullonte shokë –
Duke bashkëpunuar me t’ gjithë burrat mbi këtë tokë !
Që përgatiteshin për të fituar të drejta dhe liri –
Për të gjithë shqiptarët në Maqedoni !
Kur shpërtheu lufta e atjeshme shqiptare ,
Nga ata që formuan Ushtrinë Çlirimtare Kombëtare –
Për UÇK të shqiptarëve në Maqedoni ,
Lefteri kishte krijuar njësitin e vet me ushtri !
Fillimisht në Sllupçan kishte krijuar njësitin e luftës –
Në përbërje t’ cilit kishte Pajtim Rocin nga Hasi i Krumës !
Edhe Ndriçim Koxhën prej Gizavezhdit të Librazhdit –
Që s’ iu gjendeshin shokët prej Rugovës , as Hasit !…
Ku nuk u dëgjua pushka e Lefterit dhe shokëve të tij –
Anë e mbanë trojeve shqiptare në Maqedoni ?!
Prej Sllupçani , n’ betejë t’ Mateqit dhe n’ fshatra t’ malësisë ,
Në tërë Karadakun e mekanizuar e t’ blinduar të ushtrisë së Maqedonisë ?!
Ushtria maqedonase , jo vetëm që u step –
Nga kundërsulmi i trimave shqiptarë cep me cep !
Por, ajo u detyrua të lërë me vrap fushën e betejës –
Pasi iu asgjësuan 16 tanke e autoblinda t’ ndjekjes !
Asaj iu shkatërruan shumë mjete luftarake ,
27 automjete të ndryshme ushtarake !…
Me dhjetëra luftëtarë i mbetën të vrarë
Dhe iu kapën robër gati 200 ushtarë !…
Të tjerët ikën nga sytë , këmbët , morën fushën , malin –
Nuk pat trup , as s’ pat komandë që mundej t’i ndalin !
Në krye të sulmit ishte komandanti i njësitit luftarak –
Të Ushtrisë Çlirimtare të Kosovës , Lefter Koxhaj si bajrak !
Duke sulmuar n’ ballë t’ njësitit me top dore në dorë ,
Duke i zhdukë ushtarët e armikut dhe duke i bërë horë !…
Të nesërmen e asaj beteje , ministri i mbrojtjes së Maqedonisë –
Doli n’ foltore t’ Parlamentit maqedonas dhe deklaroi para ushtrisë :
“ Ushtria Çlirimtare e Kosovës , që i lufton lirisë –
Ishte më e fortë se ushtria e shtetit të Maqedonisë !”
Kjo deklaratë e dhënë në media , n’ mbarë Maqedoninë –
Ia nxiti edhe më shumë guximin edhe fantazinë !
Komandant Teli u nis për n’ Shkup me qëllim të ndritshëm –
Për veprime luftarake të një karakteri më të rrezikshëm !
Më 2001 , natën e 7 Gushtit –
Teli u fut ilegalisht n’ qytetin e Shkupit !
S’ bashku me Pajtimin dhe Ndriçimin shtatë gjatë
Dhe dy vëllezërit e familjes , ku u strehua atë natë !
Në qytet të Shkupit – në lagjen Gazi Babë –
Që ta presin dritën n’ agimin e bardhë !…
E organizuan ruajtjen me pjesëtarët e familjes –
Që t’ mos bien viktima nga tradhtarët e hiles !
Dhe ranë për t’ pushuar n’ gjumë burri me burrë ,
Por , nga gjumi i vdekjes nuk u ngritën kurrë !
Bashkëluftëtari i Lefterit , ishte habitë shumë :
“ Si është e mundur komandant Lefteri , të jetë kapur n’ gjumë ?!”
Kështu pyeste bashkëluftëtari Ilir Halimi nga Elbasani –
N’ veshin e komandant Lefterit , nga larg po dëgjohej zani !
Edhe n’ gjumë të thellë të natës , nga podrumet e shtëpive –
Me veshët e tij të mprehur – dëgjonte përtypjet e bagëtive !
Më shumë se njëqind metra ishte larg rrethoje
Dhe menjëherë ngrihej edhe thërriste : Roje !
Mos vallë, duhet t’i besojmë ëndrrës së gjumësisë –
Që kish parë bashkëshortja e Lefterit , natën e tragjedisë ?!
U mbush vaj e gjëmë në të katër anë –
U vranë vetëm ata që kishin ardhur nga atdheu amë !
Armiku gjakatarë , bëri zullum shumë –
Masakër të plotë , në befasi , në pabesi , në gjumë !…
Populli një fjalë t’ urtë e flet n’ këtë dynje –
Kot nuk thonë se :”Uji fle , kurse hasmi kurrë nuk fle !”
Nami që kish marrë dheun për cilësitë luftarake ,
Të pashoqe të komandant Telit , ishin për merake !
Qenë bërë objekt vëmendje për shërbimet sekrete –
Për ato vendore dhe për të tjera vend shkrete !
Duhet ndjekur hap pas hapi , që gjurmët t’ mos humbin !
Pas shumë muajsh , qeveria maqedonase e urdhëroi Shkupin –
Për komandant Telin , e lejoi marrjen e trupit ,
Nga morgu i spitalit dhe nuk i la marre Shkupit !
Ndoshta nuk u besohej që Teli ishte në mort –
Prandaj dhe e mbanin të zaptuar në morg !
N’ daç ta mbajnë në morg , n’ daç ta mbajnë në furrë –
Trimat e atdheut nuk do t’ vdesin kurrë !
“Në mënyrë mizore , tradhtisht kur bëjnë vrasje ,
Policia kriminale sllavo – maqedonase ,
Tregon vlerat dhe rrezikun prej themeli –
Që për ta po i paraqiste , ai komandant Teli “!
Gjilan, më 08.08.2019.
Demir Krasniqi