Ledri Halimi talenti që po i vjen futbollit të Kosovës

Në Shkollën e Futbollit ‘Koha’, tani e 4 vite është futbollisti me një ardhmëri të ndritshme, Ledri Halimi, i cili me lojërat e tija në fushat e blerta të futbollit, po tregon se ka një talent të madh.

Futbollisti simpatik tani 9 vjeçar, rrjedhë prej një familje futbollistësh, i cili po ndjek hapat e gjyshit të tij, futbollistit e legjendës së futbollit gjilanas, Kemajl Halimi – Raci.

Ledri tani edhe pse 9 vjeçar po dëshmon kualitetet e tija në pozitën e sulmuesit të djathtë, ku është bërë ‘enigmë’ e pazgjidhur për portat kundërshtare.
“Me futboll kam filluar të merrem nga mosha 5 vjeçare, dhe dua të bëhem si gjyshi im. Futbollin e dua dhe synimi im është që një ditë të veshi fanellën e ndonjë skuadre të madhe dhe atë të Kombëtares së Kosovës”, ka theksuar Ledri Halimi.

Ledri Halimi është një talent të cilin duhet përcjellur dhe stimuluar, pasi vetëm në këtë mënyrë mundemi të krijojmë futbollist të cilët do të na bëjnë krenar kudo që do të paraqiten.