Leci: AAK hynë e fuqishme për ta fituar Dardanën
Gjilan – Këshilli Drejtues i Degës së AAK-së në Dardanë me unanimitet të plotë ka nominuar kryetarin e degës së AAK-së Lulzim Leci për kandidat për kryetar komune në zgjedhjet e 3 nëntorit.
Lulzim Leci është duke kryer studimet doktorale për Psikologji-Pedagogji, ndërsa ka qenë themelues i Zonës Operative të Karadakut, këshilltar në Qeverinë e parë të Kosovës dhe zëvendësministër raporton rajonipress.
I pranishëm në shpalljen e kandidaturës së AAK-së për Kamenicën ishte edhe kryetari i AAK-së Ramush Haradinaj i shoqëruar edhe nga nënkryetari Ahmet Isufi dhe nga anëtari i Kryesisë Avni Arifi.
Ramush Haradinaj çmoi lart kontributin e Lulzim Lecit për punën e deritashme në gjitha nivelet ku ka shërbyer, ndërsa tha se Lulzim Leci është i përkushtuar që bashkë me qytetarët e Dardanë të punojnë për ndryshime pozitive n këtë komunë.
Në mbledhjen e Këshillit Drejtues, AAK po ashtu ka miratuar me unanimitet të plotë edhe Listën e këshilltarëve për Asamble Komunale që përbëhet me kandidatë të profesioneve të ndryshme dhe me një përfshirje të gjitha lokaliteteve të Komunës.
Listës së kandidatëve për këshilltarë komunalë të AAK-së i prinë Satmifer Kryeziu (ish-nënkryetar i LDK dhe këshilltar i Kuvendit Komunal i cili para disa ditësh iu bashkua AAK-së). Ndërsa pas bartësit të listës të gjithë kandidatët për këshilltarë komunal janë radhitur sipas rendit alfabetik.
Në këtë mbledhje të Këshillit Drejtues të AAK-së po ashtu me shumicë absolute, mbështetjen për të udhëhequr me procesin zgjedhor si shef i shtabit e mori Ramadan Basha (i cili ka ardhur në AAK nga AKR-ja ku ka qenë në zgjedhjet e fundit kandidat për kryetar komune).
Gjithashtu, AAK është në përmbyllje të plotë të programit qeverisës për 4 vitet e ardhshme i cili do tú ofrohet shumë shpejt qytetarëve të Dardanës për diskutim.
Lulzim Leci tha për rajonipress se AAK hynë në zgjedhjet e 3 nëntorit më e fortë se kurrë dhe me një ekip unik për të fituar dhe qeverisur me Dardanën në 4 vitet e ardhshme./rajonipress/